ოპოზიციამ დღევანდელ შეხვედრაზე მიიღო გადაწყვეტილება, რომ დაგეგმილი აქციები დროებით გადადოს.

აღნიშულის შესახებ „ნაციონალური მოძრაობის" ოფისში ოპოზიციური პარტიების წარმომადგენლების შეხვედრის შემდეგ, „სტრატეგია აღმაშენებლის" ერთ-ერთმა წევრმა, პაატა მანჯგალაძემ განაცხადა.

ოპოზიციის გადაწყვეტილებით, ვიდრე ხელისუფლებასა და ოპოზიციას შორის მოლაპარაკებების პროცესი მიმდინარეობს, საპროტესტო აქციები არ ჩატარდება.

„იმისთვის, რომ ხელისუფლებას არ მივცეთ დამატებითი საფუძველი დამატებითი მიზეზი, რომ უარი თქვას მოლაპარაკებაზე და ჩაშალოს ის, ოპოზიციამ მივიღეთ გადაწყვეტილება, რაც იყო წინააღმდეგობის, არაძალადობრივი აქციები დაგეგმილი, გადავდოთ დროებით, ვიდრე არ დასრულდება მოლაპარაკებების ვადა", - განაცხადა პაატა მანჯგალაძემ.

მისივე თქმით, ოპოზიცია ხვალ დაგეგმილ მანქანების მსვლელობას მაინც გამართავს.

„ამის შემდეგ დაგეგმილი აქციები რაც იყო, მათ შორის 13 მარტის აქცია გადაიდო. სავარაუდოდ 20 რიცხვში ველოდებით მოლაპარაკების შედეგებს“, - დასძინა პაატა მანჯგალაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თბილისში შაბათის ტრადიციული მარში გაიმართა

ბათუმში, 22 ივლისს მომხდარ დაჭრის საქმეზე პოლიციამ არასრულწლოვანი დააკავა

პატრიარქმა კირილმა ბირთვული იარაღის შექმნას „ღვთაებრივ გეგმას“ უწოდა

ფონ დერ ლაიენი: სეუტიდან ვერცერთმა მიგრანტმა ვერ შეძლო ესპანეთის მატერიკულ ნაწილში ჩასვლა