ამერიკის შეერთებული შტატები ალექსეი ნავალნის მოწამვლის გამო რუსეთს სანქციებს, სავარაუდოდ, დღეს დაუწესებს, - ამის შესახებ ინფორმაციას Reuters-ი სანდო წყაროზე დაყრდნობით ავრცელებს.

წყაროს ინფორმაციით, აშშ ორი აღმასრულებელი ბრძანებით იმოქმედებს: 13661, რომელიც გამოიცა ყირიმში რუსეთის შეჭრის შემდეგ და მეორე, 13382, რომელიც 2005 წელს მასობრივი განადგურების იარაღის გავრცელებასთან ბრძოლის მიზნით გამოიცა.

ორივე ბრძანების მიხედვით, აშშ-ს ეძლევა საშუალება, სანქცირებულ პირებს გაუყინოს ამერიკული აქტივები და ამერიკულ კომპანიებსა და პირებს მათთან საქმის დაჭერა აუკრძალოს.

ამასთანავე, წყაროს ცნობით, ჯო ბაიდენის ადმინისტრაცია ასევე აპირებს მოქმედებას აშშ-ის ქიმიური და ბიოლოგიური იარაღის კონტროლისა და ომის აღმოფხვრის შესახებ 1991 წლის კანონის შესაბამისად.

Reuters-ი წყაროზე დაყრდნობით წერს, რომ სანქციების სამიზნე რამდენიმე კერძო პირი იქნება, თუმცა მან ეს პირები არ დაასახელა

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა