2021-01-03 13:48:50, 6534 ნახვა
High - Tech
ჰაკერების ჯგუფმა, კომპანია სოლარუინდის სისტემაში შეაღწია
გიგანტმა კომპანია “მაიკროსოფტმა” განაცხადა, რომ ჰაკერების ჯგუფმა, რომელიც კომპანია “სოლარუინდის” სისტემაში უკანონო შეღწევაზეა პასუხისმგებელი, “მაიკროსოფტის” სისტემაში შეღწევაც მოახერხა და მის ზოგიერთ საწყის კოდზე წვდომა მოიპოვა.
ე.წ. საწყისი კოდი, საფუძველში ჩადებული იმ ინსტრუქციების კომპლექტია, რომელიც კომპიუტერულ პროგრამას ან საოპერაციო სისტემას ამუშავებს და როგორც წესი, ტექნოლოგიური კომპანიის ერთ-ერთი ყველაზე დაცული საიდუმლოა. “მაიკროსოფტი” მის დაცვას, ისტორიულად განსაკუთრებული სიფრთხილით ეკიდებოდა.
გავრცელებული ინფორმაციით, ჰაკერების აღნიშნული ჯგუფი რუსეთის მთავრობაზე მუშაობს, თუმცა კრემლი ამას დაბეჯითებით უარყოფს.
ავტორი: ექსპრესნიუსი,
epn.ge (@expressnews.ge)
