ცესკო დღევანდელი გადაწყვეტილებით წერტილს დაუსვამს ამ არჩევნების საბოლოოდ გაყალბებას, - ასე ეხმაურება „ევროპული საქართველოს“ ერთ-ერთი ლიდერი, სერგი კაპანაძე, ცესკოს გადაწყვეტილებას, რომლის მიხედვით, ცენტრალური საარჩევნო კომისია, დღეს არჩევნების საბოლოო შედეგებს შეაჯამებს და შემაჯამებელ ოქმს გამოსცემს.

მისი თქმით, 31 ოქტომბრის არჩევნები იყო პროცესი, სადაც დაფიქისრდა ძალიან დიდი რაოდენობის კარუსელები, ბიულეტენების ჩაყრა, მოსყიდვა და ძალადობა.

„დღეს ცესკო შეაჯამებს ამ ვითომ არჩევნების შედეგებს, სრულიად სამარცხვინოდ. ეს არის არჩევნები, რომელშიც დაფიქსირდა ძალიან დიდი რაოდენობის კარუსელები, ბიულეტენების ჩაყრა, ძალადობა, მოსყიდვა. ეს არის არჩევნები, რომლის მერეც პრაქტიკულად არცერთი სარჩელი, არცერთი უბნის გადათვლა არ იქნა დაკმაყოფილებული არც საუბნო კომისიების, არც ცესკოსა და არც სასამართლოების მიერ და ცესკო დღევანდელი გადაწყვეტილებით წერტილს დაუსვამს ამ არჩევნების საბოლოოდ გაყალბებას და ყველა გზა ამ არჩევნების შედეგების შეცვლის, ფორმალურად იქნება დახუული ცესკოსა და ივანიშვილის მიერ.

ეს ნიშნავს იმას, რომ გაფორმდება ის კრიზისი, რომელიც არის დღეს, პოლიტიკური კრიზისი, რომლის შედეგიც იქნება ერთპარტიული პარლამენტი, თუ ივანიშვილი ამ დარჩენილ დღეებში კონკრეტული წინადადებით, რომელიც ეხება ახალ არჩევნებს, არ წადგება ოპოზიციის წინაშე და ჩვენი მედიატორების წინაშე“, - განაცხადა კაპანაძემ.

ავტორი: ექსპრესნიუსი,

სოციალური ქსელები

თელავის მუნიციპალიტეტში დენის დარტყმის შედეგად, 56 წლის მამაკაცი დაიღუპა

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება