2020-11-08 15:39:03, 548 ნახვა
პოლიტიკა
პარლამენტთან ოპოზიციური პარტიები ერთობლივ საპროტესტო აქციას მართავენ
რუსთაველის გამზირზე, პარლამენტის შენობასთან ოპოზიციური პარტიები ერთობლივ საპროტესტო აქციას მართავენ.
მიმდინარე აქციის გამო, თბილისის ცალკეულ უბნებში ავტოტრანსპორტის მოძრაობა შეიზღუდა.
აქციას რეგიონებიდან ჩამოსული მოქალაქეებიც შეურთდნენ.
ამ დროისთვის პოლიტიკური პარტიების ლიდერები საზოგადოებას სიტყვით მიმართავენ.
შეგახსენებთ, რომ ოპოზიცია და მათი მხარდამჭერები 31 ოქტომბრის არჩევნების შედეგებს აპროტესტებენ. ისინი არ ცნობენ არჩევნების ლეგიტიმურობას და ვადამდელ არჩევნებს ითხოვენ.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
