2015-09-10 10:42:18, 699 ნახვა
საზოგადოება
გარემოს დაცვის სამინისტროში ქარსაფარი ზოლების შესახებ კანონპროექტზე იმსჯელეს
გარემოსა და ბუნებრივი რესურსების დაცვის სამინისტროში ქარსაფარი ზოლების შესახებ კანონპროექტზე იმსჯელეს.
გარემოს დაცვის სამინისტროს ინფორმაციით, შეხვედრის მონაწილეებს მინისტრმა გიგლა აგულაშვილმა კანონპროექტის მიხედვით, ნარგავების საკუთრების ფორმები, მოვლის და დაცვის მექანიზმები, ასევე ქარსაფარი ზოლებით სარგებლობის წესები და საკანონმდებლო შეზღუდვები გააცნო.
როგორც უწყებაში აცხადებენ, კანონპროექტი ქვეყანაში ქარსაფარი ზოლების აღდგენას ისახავს მიზნად.
შეხვედრას სოფლის მეურნეობის მინისტრის მოადგილე გოჩა ცოფურიშვილი,
აგრარულ საკითხთა კომიტეტის თავმჯდომარე გელა სამხარაული და სახელმწიფო ქონების ეროვნული სააგენტოს უფროსი ეკა სისაური ესწრებოდნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
