სოციალურ ქსელ „ფეისბუქში“ გავრცელებულ სურათებთან დაკავშირებით, ზოგადსაგანმანათლებლო სკოლა „ინტელექტი“ განცხადებას ავრცელებს.

„სოციალურ ქსელ „ფეისბუქში“ გავრცელებულ სურათებთან დაკავშირებით, ზოგადსაგანმანათლებლო სკოლა „ინტელექტს“ სურს რამდენიმე განმარტება გააკეთოს.

პირველ რიგში, აღსანიშნავია, რომ სურათზე ნაჩვენები გეოგრაფიული რუკა არის მოთავსებული ატლასში, რომელიც წარმოადგენს დამატებით მასალას და არა ძირითად სახელმძღვანელოს. სკოლა „ინტელექტში“ სწავლება მიმდინარეობს გრიფირებული სახელმძღვანელოებით (ვაჟა ნეიძე, ლოგოს პრესი, 2010) და აღნიშნული ატლასი წარმოადგენს დამატებით მასალას, რომელიც ჩვენს მოსწავლეებს არც კი გამოუყენებიათ.

რაც შეეხება გზებს, რომლებითაც ეს ატლასი ჩვენ სკოლაში მოხვდა, აღსანიშნავია, რომ სკოლა „ინტელექტი“ ყოველწლიურად უკვეთავს რუსულენოვან დამატებით ლიტერატურას. წელს ჩვენი შეკვეთის მიუხედავად, მიმწოდებელმა მოგვაწოდა არა შეკვეთილი, არამედ სხვა ატლასი, რომელშიც ფაქტობრივი შეცდომა იყო დაშვებული.

აღსანიშნავია, რომ ეს ატლასები დაურიგდათ მშობელთა კრებაზე მშობლებს სახელმძღვანელოების და დამატებითი მასალების კომპლექტში და, შესაბამისად, სწავლის პროცესში ისინი არ გამოიყენებოდა და არც გამოიყენება, რადგან ყველა ატლასი უკვე ამოღებულია.

სკოლა „ინტელექტი“ სხვა დამატებით მასალას დაკვირვებით შეისწავლის.

სკოლა „ინტელექტი“ ასევე ყოველგვარ ურთიერთობას წყვეტს მიმწოდებელთან, რომელმაც შეცდომიანი ატლასი მოგვაწოდა.

სკოლა „ინტელექტი“ ყველას მოუწოდებს, შეინარჩუნონ სიმშვიდე და არ გამოიყენონ სკოლის მიერ დაშვებული შეცდომა თავიანთი პოლიტიკური მიზნების მისაღწევად“, - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო

20 ივნისის საქმეზე გიორგი გახარიას წინააღმდეგ მაკო გომურმა სასამართლოს ჩვენება მისცა