2020-07-18 13:37:25, 5413 ნახვა
რეგიონი
მარნეული-სადახლოს ავტომაგისტრალზე ავარიას ერთი ადამიანის სიცოცხლე ემსხვერპლა
მარნეული-სადახლოს ავტომაგისტრალზე ავტოსაგზაო შემთხვევის შედეგად ერთი ადამიანი გარდაიცვალა.
წინასწარი ინფორმაციით, BMW-ს მარკის ავტომობილის მძღოლი გზის სავალი ნაწილიდან გადავიდა, რის შედეგადაც ამოტრიალდა.
შემთხვევის შედეგად ერთი ადამიანი ადგილზევე გარდაიცვალა, ხოლო მეორე სასრაფო-სამედიცინო დახმარების ჯგუფმა საავადმყოფოში გადაიყვანა.
როგორც „ექსპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ექსპრესნიუსი,
epn.ge (@expressnews.ge)
