2020-06-03 17:34:54, 4567 ნახვა
რეგიონი
ე.წ. კანონიერი ქურდის, მინდია ლავასოღლის ახლობლები სარფის საბაჟო გამშვები პუნქტის გადაკეტვას გეგმავენ
ე.წ. კანონიერი ქურდის, მინდია ლავასოღლის ახლობლები სარფის საბაჟო გამშვები პუნქტის გადაკეტვისთვის ემზადებიან.
ისინი რამდენიმე დღის განმავლობაში ქალაქის ქუჩებში საპროტესტო აქციას აწყობდნენ.
როგორც აქციის მონაწილეები აცხადებენ, თუ თეა წულუკიანი დღის ბოლომდე არ დაასახელებს თარიღს, როდის გადმოეცემა ქართულ მხარეს ლავასოღლი, პროტესტი კიდევ უფრო მასშტაბური იქნება.
ცნობისთვის, ლავასოღლის ექსტრადიციის მოთხოვნით, მისი ოჯახის წევრებმა აქცია ბოლო რამდენიმე თვის განმავლობაში არაერთხელ გამართეს. 2020 წლის იანვარში, საქართველოს გენერალურმა პროკურატურამ განაცხადა, რომ მინდია ლავასოღლის საქართველოში ექსტრადირების თაობაზე თურქეთის იუსტიციის სამინისტროს ჯერ კიდევ 2018 წლის 27 ნოემბერს მიმართა.
ავტორი: ექსპრესნიუსი,
epn.ge (@expressnews.ge)
