არანაირი დახურული თემები ჩვენთვის არ არსებობს, მზად ვართ ვუპასუხოთ დასმულ კითხვებს, - ამის შესახებ პრემიერ-მინისტრმა გიორგი გახარიამ, პარლამენტში ანგარიშის წარდგენისას განაცხადა.

როგორც პრემიერმა აღნიშნა, მთავრობა უპასუხებს ყველა კითხვას, რომელიც დასმულია პანდემიასთან დაკავშირებით.

პრემიერის თქმით, „ზუსტად 102 წლის წინ საფუძველი ჩაეყარა პირველ ეროვნულ პარლამენტს. შესაბამისად, დღეს პარლამენტის ფუნქცია ქვეყანაში, მის განვითარებაში, მის ყოველდღიურ ცხოვრებაში, საპარალამენტო კონტროლის ჩათვლით, არის უაღრესად მნიშვნელოვანი. რა თქმა უნდა, ის ვალდებულება და პასუხისმგებლობა, რომელიც გვაკისრია ჩვენი მოქალაქეების და ასევე პარლამენტის წინაშე, შეუძლებელი იყო რომ ეს პასუხისმგებლობა და ის კითხვები, რომელიც დაგროვდა საზოგადოებაში, არ მოვსულიყავით და სწორედ ამ ტრიბუნიდან არ გაგვეცა პასუხი. დღეს ამ კითხვების ძირითადი ნაწილი იქნება და დღეს ყველაზე აქტუალური რაც ჩვენს მოქალაქეებს აღელვებს, არის გლობალური პანდემია, მიუხედავად იმისა, რომ აქ ითქვა, რომ კითხვები შეიძლება არსებობდეს სხვადასხვა სფეროდან ჩვენი სოციალური, ეკონომიკური თუ პოლიტიკური ცხოვრებიდან. ჩვენ პირველ რიგში, მზად ვართ რომ ვისაუბროთ ამ თემაზე, შევიდეთ ნებისმიერ დისკუსიაში, პასუხები გავცეთ ამ თემას, თუმცა არანაირი დახურული თემები ჩვენთვის არ არსებობს. რაც შეეხება, აქ კომენტარებს ორი საათი არ გალოდინებთ, თუმცა არც პარლამენტის რეგლამენტის დარღვევას არ ვაპირებ და ვფიქრობ, რომ ძალიან მალე გიპასუხებთ იმ კითხვაზე, რაც იქნება დასმული", - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება