რამდენიმე თვის  წინ კანონმდებლობაში გარკვეული რეგულაციები შევიდა, თუმცა მას უვადო მსჯავრდებულებისთვის  რაიმე შედეგი არ მოუტანია,-ამის შესახებ საქართველოს სახალხო დამცველმა უჩა ნანუაშვილმა ჟურნალისტებს განუცხადა.

მისივე განმარტებით,  ისეთი საკანონმდებლო ცვლილება  უნდა გატარდეს, რომელიც უვადო პატიმრობამისჯილებს  შეეხებათ.

"ამწუთას ჩვენი წარმომადგენლები არიან შესულები გლდანის მე-8 დაწესებულებაში. ჩვენ მათ მდგომარეობას ვეცნობით, თუმცა თვეების გამნმავლობაში გვაქვს მათთან შეხება. ისი პრობლემები, რომლებზეც ისინი საუბრობენ,  რეალურია. რამდენიმე თვის წინ მოხდა გარკვეული რეგულაციების შეტანა, მაგრამ სამწუხაროდ  ამას უვადო მსაჯვრდებულებისთვის რაიმე კონკრეტული შედეგი არ მოჰყოლია. ანუ, გარკვეულწილად არის შეცვლილი რეგულაციები,  მაგრამ ის რეგულაციები უნდა მივიდეს თითოეულ მსჯავრდებულამდე",-განაცხადა უჩა  ნანუაშვილმა.

ამასთან, სახალხო დამცველი მიიჩნევს, რომ რამდენიმე უვადო პატიმრობამისჯილის საქმის განხილვა, თუნდაც შეწყალება, შესაძლებელია და ეს არანაირ საგანგაშო შედეგს არ გამოიწვევს.

"მათ შორის თუნდაც შეწყალების, ან პირობით ვადაზე ადრე გათავისუფლებულზე. მათი პრობლემებით ხელისუფლბა უნდა დაინტერესდეს. სჭიროა მოხდეს გარკვეული საქმეების გადახედვა, მაგრამ არანაირი მექანიზმი ამასთან დაკავშირებით არ არსებობს. ასევე იყო განხილული რამდენიმე საქმე შეწყალების კომისიაზე, თუმცა აქაც რეალურად არანაირი შედეგი არ დადგა. პირადად მე ვფიქრობ, რომ რამდენიმე უვადო მსჯავრდებულის საქმის განხილვა, თუნდაც შეწყალება არის რეალურად შესაძლებელია, და  ქვეყანაშუ ეს არანაირ საგანგაშო შედეგს არ გამოიწვევს",-განაცხადა  უჩა ნანუაშვილმა.

აღნიშნული განცხადება უჩა ნანუაშვილმა ჰოლოკოსტის მსხვერპლთა ხსოვნის დღისადმი მიძღვნილ ღონისძიებაზე გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი