ჩიქოვანი - შეზღუდვების შემსუბუქება არ გავრცელდება იმ მუნიციპალიტეტებსა და ადმინისტრაციულ ერთეულებზე, სადაც მკაცრი საკარანტინე რეჟიმი მოქმედებს

2020-04-27 13:07:04, 1444 ნახვა

კომენტარი

შეზღუდვების შემსუბუქება არ გავრცელდება იმ მუნიციპალიტეტებსა და ადმინისტრაციულ ერთეულებზე, სადაც მკაცრი საკარანტინე რეჟიმი მოქმედებს, - ამის შესახებ პრემიერ-მინისტრის პრესსპიკერმა ირაკლი ჩიქოვანმა განაცხადა.

ჩიქოვანმა აღნიშნა ისიც, რომ იმ რეგიონებში, სადაც მკაცრი საკარანტინე რეჟიმი მოქმედებს, შეზღუდვები ჩვეულებრივ გაგრძელდება.

„აქვე უნდა გავუსვა ხაზი იმას, რომ ამ შეზღუდვების შემსუბუქება არ გავრცელდება იმ მუნიციპალიტეტებსა და იმ ადმინისტრაციულ ერთეულებზე, სადაც ჩვენ გვაქვს დაწესებული მკაცრი საკარანტინე რეჟიმი.

ამის გარდა ყველა სხვა შეზღუდვა, რომელიც მოქმედებს ქვეყანაში, განაგრძობს მოქმედებას და მათ შორის კომენდატის საათიც ძალაში რჩება“, - განაცხადა ირაკლი ჩიქოვანმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან