„პარტიზანული მებაღეობის“ წარმომადგენლის ნატა ფერაძის დასაკავებლად თბილისის საკრებულოს დაცვის უფროსმა საპატრულო პოლიცია გამოიძახა.

თუმცა როგორც ფერაძემ ჟურნალისტებს განუცხადა, მისი დაკავება საკრებულოს დამოუკიდებელი დეპუტატის, ალეკო ელისაშვილის მიერ განხორციელებული სატელეფონო ზარის შედეგად გადაიფიქრეს.

ამ დროისთვის საკრებულოსთან საპატრულო პოლიციაა მობილიზებული.

შეგახსნებთ, თბილისის საკრებულოს სხდომაზე, სადაც მირზაშაფის კორექტირებულ პროექტს განიხილავდნენ, ინციდენტი მოხდა.

„პარტიზანული მებაღეობის“ წარმომადგენელმა ნატა ფერაძემ პროექტთან დაკავშირებით პროტესტი გამოთქვა. მან სამოქალაქო საზოგადოების წარმომადგენლებისთვის  განკუთვნილი ადგილიდან, რომელიც მეორე სართულზე მდებარეობს, დეპუტატებს ბოთლიდან წყალი გადაასხა.

როგორც ფერაძემ ჟურნალისტებს განუცხადა, განხილვის პროცესში არავის აზრი არ მოისმინეს და სხდომა „სრულ სიჩუმეში მიმდინარეობდა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ