სასჯელაღსრულებისა და პრობაციის მინისტრმა კახა კახიშვილმა პენიტენციური დეპარტამენტის ხელმძღვანელ პირებთან და პენიტენციური დაწესებულებების დირექტორებთან პირველი სამუშაო შეხვედრა გამართა.

სასჯელაღსრულების სამინისტროს ინფორმაციით, მინისტრმა  დეტალურად ისაუბრა იმ ცვლილებებზე, რომელიც დაწესებულებებში სასჯელაღსრულების რეფორმის ფარგლებში უნდა განხორციელდეს და იმედი გამოთქვა, რომ დაგეგმილი ღონისძიებები მნიშვნელოვნად წაადგება სისტემის გაჯანსაღების პროცესს.

სასჯელაღსრულებისა და პრობაციის მინისტრი ამ ეტაპზე საკადრო ცვლილებების განხორციელებას არ გეგმავს, თუმცა განმარტავს, რომ მოთხოვნა იქნება საკმაოდ მაღალი და ნებისმიერი კანონდარღვევის შემთხვევაში ადეკვატური რეაგირება მოყვება.

მინისტრი თითოეული დაწესებულების პრობლემებით დაინტერესდა და მათი მოგვარების გზები დასახა.

„გზავნილი არის მარტივი - უნდა უზრუნველყოთ იმის შესრულება, რასაც კანონი გვავალდებულებს. მე ვიქნები თითოეული თანამშრომლის მეგობარი, ოჯახის წევრი იმ შემთხვევაში, თუ ის იმოქმედებს კანონის ფარგლებში. ამავდროულად, მინისტრი იქნება ყველა იმ ადამიანის ოპონენტი, ვინც გადაუხვევს სისტემის პოლიტიკას და არ დაემორჩილება კანონის მოთხოვნებს“, - განაცხადა კახა კახიშვილმა.

ამასთან, მინისტრი აცხადებს, რომ მსჯავრდებულთა უფლებების დაცვა მისთვის პრიორიტეტია და ამ მიმართულებით არაერთი ქმედითი ნაბიჯი გადაიდგმება.

სასჯელაღსრულებისა და პრობაციის მინისტრი, პრობლემების გაცნობის მიზნით, ყველა დაწესებულების მონახულებას და მსჯავრდებულებთან შეხვედრას გეგმავს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება