ენერგეტიკის მინისტრის კახა კალაძის განცხადებით, ეროვნულ ბანკთან დაკავშირებით ბოლო დღეებში გაკეთებული განცხადებები აშკარად  პოლიტიკურად მოტივირებულია.

მისივე თქმით, განცხადებების მიუხედავად, როგორც პრეზიდენტის ადმინისტრაციის, ასევე "ნაციონალური მოძრაობის" მხრიდან, პარლამენტში კანონპროექტის ალტერნატიული ვარიანტი ამ დრომდე არ წარმოდგენილა. 

"ეროვნულ ბანკთან დაკავშირებით, ბოლო დღეებში გაკეთებულ განცხადებებში ჩანს, რომ ეს განცხადებები აშკარად პოლიტიკურად მოტივირებულია. ჩვენ ვისმენდით პრეზიდენტის ადმინისტრაციის მხრიდან, ისევე როგორც "ნაციონალური მოძრაობის" მხრიდან, რომ ისინი ამ კანონპროექტის ალტერნატივას წარმოადგენდნენ, თუმცა პარლამენტში დღემდე არაფერია წარმოდგენილი. ამ კანონპროექტზე კონკრეტულმა ადამიანებმა ორი თვის განმავლობაში ძალიან ბევრი იმუშავეს, ასევე ევროკავშირის წარმომადგენლებთან მიმდინარეობდა კონსულტაციები. გუშინ პრემიერ-მინისტრის შეხვედრა გაიმართა აზიმ სადიკოვთან, შეჯერებული იყო ის შენიშვნები, რომელიც ჩვენ გავითვალისწინეთ, გუშინდელი შეხვედრის შემდეგ გამოიკვეთა ოთხი-ხუთი შენიშვნა, რომელსაც აუცილებლად გავითვალისწინებთ, ვიმუშავებთ და ყველასთვის მისაღები იქნება ეს კანონპროექტი. ამ საკითხს მშივიდად და ფაქიზად უნდა მოვეკიდოთ, ვინაიდან საქმე ბიზნეს სექტორს, საბანკო სექტორს ეხება და მნიშვნელოვანი სიმშვიდე", - განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში