უზენაესმა სასამართლომ ხორავას ქუჩაზე დავით სარალიძის მკვლელობაში მსჯავრდებული  გიორგი ჯანაშიასა და გუგა ბარბაქაძის ბრალდების სისხლის სამართლის საქმეზე  გადაწყვეტილება გამოაცხადა.

სასამართლოს გადაწყვეტილებით, მსჯავრდებულ გიორგი ჯანაშიას ბრალის აღიარებისა და თანამშრომლობის სანაცვლოდ, საპროცესო შეთანხმება ოფიციალურად გაუფორმდა, რომელიც ოთხი წლის ვადით პირობით და ოთხი წლის ვადით რეალურ სასჯელს გულისხმობს. სასჯელის ვადა ჯანაშიას დაკავების დღიდან აითვლება.

რაც შეეხება ლევან დადუნაშვილის მკვლელობისთვის მსჯავრდებული გუგა ბარბაქაძის მიმართ უზენაესმა სასამართლომ გამამტყუნებელი განაჩენი ძალაში დატოვა და მას 11 წლითა და სამი თვით პატიმრობა შეუფარდა.

შეგახსენებთ, რომ 2017 წლის პირველ დეკემბერს ხორავას ქუჩაზე მომხდარი მკვლელობის საქმეზე, რომლის დროსაც ორი არასრულწლოვანი, დავით სარალიძე და ლევან დადუნაშვილი მოკლეს, მსჯავრდებული პირები გიორგი ჯანაშია და გუგა ბარბაქაძე არიან.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება