თინა ხიდაშელმა ნდობის ჯგუფის ფორმატში დეპუტატებს საფრანგეთთან დადებული ხელშეკრულების დეტალები გააცნო

2015-07-17 19:47:06, 369 ნახვა

პოლიტიკა

საქართველოს თავდაცვის მინისტრმა პარლამენტში, ნდობის ჯგუფის ფორმატში, დეპუტატებს საფრანგეთთან საჰარეო თავდაცვის სისტემის თავდაცვისუნარიანობის შესახებ გაფორმებული ხელშეკრულებების დეტალები გააცნო.

„ვფიქრობ, რომ ყველა კითხვას ამომწურავად გავეცით პასუხი. ყველა დამშვიდდება და დაწყნარდება ამის შემდეგ. ძალიან სერიოზული ხელშეკრულება დავდეთ. ქვეყნისთვის ეს უმნიშვნელოვანესი წინგადადგმული ნაბიჯია, როგორც თავდაცვისუნარიანობის გამყარების, ასევე ნატოსთან ინტეგრაციის პროცესში“,- განაცხადა თინათინ ხიდაშელმა შეხვედრის დასრულების შემდეგ.

თავდაცვის მინისტრის განცხადებით, საჰაერო სისტემის თავდაცვისუნარიანობის საკითხზე საფრანგეთთან გაფორმებული ხელშეკრულებები საქართველოს მეგობარ სახელმწიფოებთან ურთიერთობებში ახალ შესაძლებლობებს უჩენს.

საკანონმდებლო ორგანოში თინათინ ხიდაშელთან ერთად გენერალური შტაბის უფროსი, გენერალ-მაიორი ვახტანგ კაპანაძე და მინისტრის მოადგილეები - დავით ებრალიძე და ბესიკ ლოლაძე იმყოფებოდნენ.

საჰაერო სისტემის თავდაცვისუნარიანობის საკითხზე საფრანგეთთან პირველი ხელშეკრულება 15 ივნისს, მეორე კი 10 ივლისს გაფორმდა.