ამერიკის შეერთებულმა შტატებმა რუსეთს. ე.წ. სკრიპალების საქმის გამო, ახალი სანქციები დაუწესა, - ამის შესახებ ინფორმაცია აშშ-ის ფედერალური მთავრობის ოფიციალურ ჟურნალში გამოქვეყნდა. 

ინფორმაციის თანახმად, ახალი სანციები ოფიციალური მოსკოვის წინააღმდეგ ძალაში დღეიდან შევიდა. ახალი სანქციების საფუძველზე, საერთაშორისო ორგანიზაციებმა რუსეთს კრედიტების გაცემაზე უარი უნდა უთხრან. ამასთან, ამერიკულ ბანკებს რუსეთის მთავრობისთვის უცხოურ ვალუტაში კრედიტების გაცემა აეკრძალათ.

ახალი შეზღუდვები სულ მცირე 12 თვის განმავლობაში იმოქმედებს. სანქციები ამერიკის სახელმწიფო დეპარტამენტმა მოამზადა. 

ცნობისთვის, რუსეთის „გრუ“-ს ყოფილი თანამშრომელი სერგეი სკრიპალის და მისი ქალიშვილის იულია სკრიპალის მოწამლვის გამო ამერიკამ რუსეთს სანქციები პირველად 2018 წლის აგვისტოში დაუწესა. ამერიკული კანონმდებლობის მიხედვით, ვაშინგტონი უფლებამოსილია შემოიღოს შეზღუდვები იმ ქვეყნის წინააღმდეგ, რომელმაც ქიმიური ან ბიოლოგიური იარაღი გამოიყენა. ამავე კანონის თანახმად, თუ ამერიკის პრეზიდენტი ვერ ადგენს, რომ ქვეყანამ ქიმიური იარაღის გამოყენება შეწყვიტა, ის ვალდებულია სანქციების მეორე პაკეტი აამოქმედოს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან