აშშ-ს პრეზიდენტის, დონალდ ტრამპის ადმინისტრაციამ, განსაკუთრებით დაბალი შემოსავლის მქონე მიგრანტებისთვის ვიზის გახანგრძლივებისა და მუდმივი ცხოვრების სტატუსის („მწვანე ბარათი“) მიღების პირობები გაამკაცრა. 

BBC-ის ინფორმაციით, ახალი რეგულაცია ძალაში 15 ოქტომბერს შევა.

ახალი კანონი შეეხება მიგრანტებს, რომლებიც სახელმწიფოსგან გარკვეული სახის დახმარებას იღებენ - სურსათისა თუ საზოგადოებრივი საცხოვრებლის სახით.

მიგრანტების განცხადება ვიზისა და მუდმივი ცხოვრების სტატუსის შესახებ უარყოფილი იქნება, თუ მთავრობა გადაწყვეტს, რომ ისინი მომავალშიც სახელმწიფო დახმარებაზე იქნებიან დაყრდნობილნი.

მაღალჩინოსნები განმარტავენ, რომ ახალი კანონი,  რომელიც Public charge rule-ის სახელითაა ცნობილი, იმიგრანტებს უფრო „დამოუკიდებელს“ გახდის: „ისინი საჭიროებების დასაკმაყოფილებლად საზოგადოებრივ რესურსებზე კი აღარ იქნებიან დამოკიდებული, არამედ საკუთარ შესაძლებლებებს, ოჯახის რესურებს, სპონსორებს და კერძო ორგანიზაციებს დაეყრდნობიან.“

რეგულაციის ძალაში შესვლის აღკვეთის მიზნით, ეროვნული იმიგრაციის კანონის ცენტრი ტრამპის ადმინისტრაციის წინააღმდეგ სარჩელის შეტანას აპირებს.

აღსანიშნავია, რომ აშშ-ში მოქალაქეობის არმქონე 22 მილიონი ლეგალური მიგრანტი ცხოვრობს.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან