ყირგიზეთის ყოფილი პრეზიდენტი ალმაზბეკ ატამბაევი ორდღიანი მცდელობის შემდეგ დააკავეს, - ამის შესახებ ინფორმაციას Sputnik Кыргызстан-ი ავრცელებს.

სოფელ კოი ტაშში სპეცრაზმმა ყირგიზეთის ყოფილი პრეზიდენტის აყვანა გუშინაც სცადა, თუმცა სპეცოპერაცია ატამბაევის მომხრეებმა ჩაშალეს.

ამასთან, გავრცელებული ინფორმაციით, სპეცოპერაციის შედეგად 52 ადამიანი დაშავდა, ერთ-ერთი სპეცრაზმელი კი, გარდაიცვალა.

დღეს, 8 აგვისტოს კოი-ტაშში სპეცოპერაცია განახლდა. პოლიციამ ატამბაევის მომხრეების წინააღმდეგ  ხმოვანი ხელყუმბარები გამოიყენა. თავის მხრივ, ყოფილი პრეზიდენტის მომხრეებმა სპეცრაზმელებს ქვები და მოლოტოვის კოქტეილები დაუშინეს.

საბოლოოდ, სპეცრაზმმა ყოფილი პრეზიდენტის აყვანა მოახერხა. სამართალდამცავი უწყებების ცნობით, იგი ბიშკეკში, კოლონის თანხლებით გადაიყვანეს.

ყირგიზეთის პარლამენტმა 20 ივნისს ქვეყნის პროკურატურას ექსპრეზიდენტის წინააღმდეგ ბრალდებების ნუსხა გადასცა, რომელთა შორის, ატამბაევს კორუფციაშიც სდებენ ბრალს. ატამბაევმა პარლამენტის ბრალდებებს აბსურდული უწოდა.

ალმაზბეკ ატამბაევი ყირგიზეთის პრეზიდენტის პოსტს 2011-2017 წლებში იკავებდა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან