საქართველოს ყოფილი პრეზიდენტი მიხეილ სააკაშვილი თავის მომხრეებს არჩევნებზე უკრაინის პრეზიდენტის ვლადიმერ ზელენსკის პარტიის მხარდაჭერისკენ მოუწოდებს, - ამის შესახებ ოდესის ოლქის ყოფილმა გუბერნატორმა Facebook-ზე გავრცელებულ ვიდეომიმართვაში განაცხადა. 

სააკაშვილმა ანალოგიური გადაწყვეტილების მიღება სხვა პარტიებსაც ურჩია, რომლებსაც 5%-იანი ბარიერის გადალახვის ნაკლები შანსი აქვთ.

აღსანიშნავია, რომ სააკაშვილის პარტია "ახალ ძალთა მოძრაობა" უკრაინის საპარლამენტო არჩევნებში მონაწილეობას არ მიიღებს. 

"ვფიქრობ, რომ პრეზიდენტ ზელენსკის უნდა მივცეთ უმრავლესობის ფორმირების შანსი ძველ პოლიტიკოსებთან დათმობების გარეშე. ახლა თითოეული პროცენტი მნიშვნელოვანია და მე არ მინდა, რომ ჩვენი პროცენტების გამო, რომელმაც შესაძლოა რადაში შესვლის საშუალება მაინც არ მოგვცეს, პარტია ”ხალხის მსახურმა” ვერ მოაგროვოს რამდენიმე პროცენტი იმ შესაძლებლობისთვის, რომ დამოუკიდებლად მოახდინოს მთავრობის ფორმირება. ამიტომ მძიმე დისკუსიების შემდეგ მხარი დავუჭირე შემდეგ გადაწყვეტილებას: ჩვენ ვთხოვთ მომხრეებს მხარი დაუჭირონ ჩვენს მაჟორიტარი დეპუტატობის კანდიდატებს, სიებით კი, შექმნილი ვითარების გათვალისწინებით, ხმა მისცენ ”ხალხის მსახურს“, - განაცხადა მიხეილ სააკაშვილმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან