მასაჩუსეტსის პროკურატურამ კევინ სპეისის სექსუალური ძალადობის ბრალდება მოუხსნა, - ამის შესახებ CNN იუწყება. 

პროკურატურაში განაცხადეს, რომ სპეისის წინააღმდეგ საკმარისი მტკიცებულება არ არსებობს.

მედია საშუალების ინფორმაციით, დაახლოებით ერთი კვირის წინ მამაკაცმა, რომელმაც მსახიობი სექსუალურ ძალადობაში დაადანაშაულა უარი თქვა საკუთარი თავის წინააღმდეგ ჩვენების მიცემაზე. მან ასევე უარი განაცხადა, განემარტა, თუ როგორ დაკარგა მობილური ტელეფონი, რომლის მეშვეობითაც, როგორც თვითონ აცხადებს, სპეისისთან შეხვედრის დროს გადაღებულ ვიდეოებს შეყვარებულს უგზავნიდა. 

დაცვის მხარე აცხადებდა, რომ მამაკაცს შეეძლო ტელეფონიდან ისეთი მტკიცებულებების წაშლა, რომელიც სპეისის უდანაშაულოდ ცნობას შეუწყობდა ხელს. 

ცნობისთვის, 18 წლის მამაკაცმა მსახიობი სექსუალურ ძალადობაში დაადანაშაულა, როგორც ის აცხადებდა, სპეისი 2016 წელს მას ფიზიკურად ეხებოდა. საერთო ჯამში სპეისი სექსუალურ ძალადობაში 30-მა მამაკაცმა დაადანაშაულა, თუმცა სასამართლომდე მხოლოდ ხსენებული საქმე მივიდა. 

კევინ სპეისი არის ამერიკელი მსახიობი, რეჟისორი, პროდიუსერი და სცენარისტი. გაზიარდა კალიფორნიაში. მოღვაწეობა დაიწყო თეატრში 1980-იან წლებში. 2003 წლიდან არის ლონდონის თეატრ ოლდ ვიკის სამხატვრო ხელმძღვანელი. 2013 წლიდან ასრულებს ფრენკ ანდერვუდის როლს Netflix-ის პოლიტიკურ დრამატულ სერიალში ბანქოს სახლი. ამ როლისთვის მას მიღებული აქვს ოქროს გლობუსი, როგორც საუკეთესო მსახიობს სატელევიზიო დრამატულ ფილმში

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან