ეუთო-ში რუსეთის დელეგაცია 2 რეზოლუციის პროექტის მოხსნას მოითხოვს, რომლებიც ეხება ყირიმს და ადამიანის უფლებების დაცვას აფხაზეთსა და „სამხრეთ ოსეთში“, - ამის შესახებ რუსეთის დელეგაციის ხელმძღვანელმა, რუსეთის სახელმწიფო სათათბიროს ვიცე-სპიკერმა პიოტრ ტოლსტოიმ განაცხადა.

„ჩვენი დელეგაცია სრულ შემაგენლობაშია. ვიმუშავებთ მათ შორის იმ დღის წესრიგით, რომელსაც ჩვენი ოპონენტები გვთავაზობენ. შევთავაზებთ ორი რეზოლუციის მოხსნას ყირიმზე და სამხრეთ ოსეთზე“, - განაცხადა ტოლსტოიმ.

Tass-ის ინფორმაცციით, ყირიმზე რეზოლუციის ავტორი უკრაინის რადას დეპუტატი არტურ გერასიმოვია. რეზოლუციის თანახმად, „ოკუპაცია და ყირიმის ანექსიის მცდელობა გრძელდება“. ასევე, მასში საუბარია რუსეთის მხრიდან აზოვის ზღვის და მთლიანად ყირიმის ნახევარკუნძულის მზარდ მილიტარიზაციაზე. გარდა ამისა, რეზოლუციით უკრაინა რუსეთს მოუწოდა სამედიცინო და იურიდიული დახმარება გაუწიოს, იმ უკრაინელ მეზღაურებს, რომელიც 2018 წელს ქერჩის სრუტეში დააკავეს. 

რეზოლუციის მეორე პროექტი საქართველოს პარლამენტის წევრმა სოფიო ქაცარავამ წარადგინა. მასში აღნიშნულია, რომ ქართული მხარე შეშფოთება იმის გამო, რომ თბილისს წართმეული აქვს შესაძლებლობა აფხაზეთსა და „სამხრეთ ოსეთში“ იურისდიქცია განახორციელოს. აგრეთვე, რეზოლუციის მიხედვით, ოკუპირებულ ტერიტორიებზე ადამიანის უფლებების უხეში დარღვევები ფიქსირდება. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები