საქართველოში ამერიკის შეერთებული შტატების საელჩო უცხოეთის მოქალაქეებს საქართველოში მოგზაურობისკენ მოუწოდებს. საელჩოს ოფიციალურ twitter-ის გვერდზე გამოქვეყნებული განცხადებით, აშშ-ის დიპლომატიური წარმომადგენლობა უცხოელებს შვებულების საქართველოში გატარებას ურჩევს. 

Twitter-ის გვერდზე აშშ-ის საელჩომ ასევე გამოაქვეყნა ამერიკელი დიპლომატის, ერინ ჯარეტის პოსტიც.

"საქართველომ ნამდვილად დაიპყრო ჩემი გული. მე ყველა ჩემს მეგობარსა და ოჯახის წევრს ვურჩევდი, რომ #გაეტარებინათ თავიანთი ზაფხული საქართველოში - და ისინი უკვე აქ არიან! ჩვენ საქართველოში ძალიან ბევრ სტუმარს ვუმასპინძლეთ, მათ შორის ჩემი მშობლების ჩათვლი, რომლებმაც უკვე დააგემოვნეს ქართული ტრადიციული კერძები და გაეცნენ სუფრის ტრადიციებს კახეთში. 

საქართველოს უმდიდრესი ისტორიული და კულტურული წარსული აქვს, მაგრამ მე უფრო მეტად ველოდები იმას, თუ რას მოიტანს მომავალი. საოცრად შთაგონებული და მოტივირებული ვარ იმ ადამიანებთან ურთიერთობით, რომლებიც ცდილობენ ხელი შეუწყონ საქართველოს განვითარებას" - წერს ჯარეტი.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს