შინაგან საქმეთა სამინისტროს აკადემიაში, ევროკავშირის პროექტის - „მოქმედება ნარკოტიკებისა და ორგანიზებული დანაშაულის წინააღმდეგ“ (EU-ACT) ფარგლებში, აკადემიის ინსტრუქტორებმა საპილოტე ტრენინგი ჩაატარეს.

სასწავლო კურსის მიზანი იყო ნარკოტიკული დანაშაულის გამოძიებისთვის საჭირო უნარ-ჩვევების გამომუშავება და დახვეწა.

ტრენინგს შინაგან საქმეთა სამინისტროს ცენტრალური კრიმინალური პოლიციისა და სამხარეო დანაყოფების თანამშრომლები ესწრებოდნენ. სწავლებაში ქართველ ტრენერებთან ერთად ჩართული იყვნენ ბელგიელი და ბრიტანელი ექსპერტები.

ტრენინგის მონაწილეებმა განიხილეს ნარკოტიკების ახალი სასწავლო მოდული, რომელიც მოიცავს: ნარკოდანაშაულთან დაკავშირებულ საკანონმდებლო ბაზას, საგამოძიებო და ოპერატიულ მოქმედებებს, ექსპერტიზის ჩატარების პროცედურებს, ადამიანის უფლებებს, ნივთმტკიცებების მოპოვებასთან დაკავშირებულ საკითხებს და სხვ.

აკადემიის ინსტრუქტორებმა მათ  ფარულ საგამოძიებო მოქმედებებთან დაკავშირებით ბელგიისა და დიდი ბრიტანეთის გამოცდილება გაუზიარეს და პრაქტიკული სავარჯიშოები უჩვენეს.

შინაგან საქმეთა სამინისტროს აკადემიის ტრენერებმა უცხოელ ექსპერტებთან ერთად შეიმუშავეს ნარკოტიკების ახალი სასწავლო მოდულის თემატიკა და პრაქტიკული სავარჯიშოები, რომლებიც მომავალში  შინაგან საქმეთა სამინისტროს აკადემიის საბაზისო და გადამზადების პროგრამებში დაინერგება.

სწავლების დასასრულს, ტრენინგის მონაწილეებს შესაბამისი სერტიფიკატები გადაეცათ.

(NS)

ავტორი: ექსპრესნიუსი,

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა