სირიაში, 2011 წლიდან დღემდე, კონფლიქტის დროს მედიის ასობით წარმომადგენელი დაიღუპა და დააკავეს, - ამის შესახებ Watchdog-ის კვლევაშია ნათქვამი.

კვლევის თანახმად, სულ ამ პერიოდის განმავლობაში 695 ჟურნალისტი მოკლეს, ხოლო 421 სირიის რეჟიმის მიერ არის დაკავებული. აქედან პრესის 546 წარმომადგენელი, მათ შორის 5 უცხოელი ასადის რეჟიმის მიერ განხორციელებული თავდასხმის დროს მოკლეს, 20 კი რუსეთის ავიაიერიშის დროს. 

ამავე კვლევის მიხედვით, 4 ჟურნალისტი „სირიის დემოკრატიული ძალების“ მიერ არის მოკლული. ეს ჯგუფი ქურთისტანის მუშათა პარტიის ტერორისტულ ჯგუფთან არის გაიგივებული. 

"64 ჟურნალისტი, მათ შორის 2 ქალი და სამი უცხოელი „ისლამური სახელმწიფოს“ მსხვერპლი გახდა, 32 კი ოპოზიციის შეიარაღებული ჯგუფების ქმედებებს შეეწირა. სულ მცირე 1 ჟურნალისტი აშშ-ის ხელმძღვანელობის ქვეშ მყოფი სამხედრო კოალიციის თავდასხმებს ემსხვერპლა, 28 - უცნობი შეიარაღებული დაჯგუფებების თავდასხმის დროს დაიღუპა", - ნათქვამია კვლევაში. 

აღსანშნავია, რომ 2011 წლიდან დღემდე სირიაში კონფლიქტის დროს სულ მედიის 1136 წარმომადგენელი გაიტაცეს, აქედან 421 წარმომადგენელი ჯერ კიდევ არ გაუტავისუფლებიათ. 

სირიაში არსებული კონფლიქტის შესახებ ვრცლად წაიკითხეთ ამ სტატიაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად

რამდენიმე კვირაში შსს-ში შეიქმნება სამმართველო მოქალაქეთა ტოტალური კონტროლისთვის

მდინარაძე ამტკიცებს, რომ გამოხატვის თავისუფლების გამო დასჯა, არ არის თავისუფლების შეზღუდვა

რეჟიმი შსს-ში შექმნის სპეციალური სამმართველოს, რომლის ფუნქცია იქნება გამოავლინოს და დასაჯოს ოლიგარქის პარტიის კრიტიკოსები