ე.წ. კანონიერი ქურდი ტარიელ ონიანი რუსეთის ციხიდან გათავისუფლდა, - ამის შესახებ "რია ნოვოსტი" იუწყება. 

მედია საშუალების ინფორმაციით, ონიანი სასჯელს მკაცრი რეჟიმის კოლონიაში, "შავი დელფინი" იხდიდა. სასჯელაღსრულების დაწესებულებაში მან 10 წელი გაატარა და დღეს სასამართლოს გადაწყვეტილებით ის გაათავისუფლეს. 

მედიის ცნობით, ჯერჯერობით უცნობია მოხდება თუ არა ონიანის სხვა ქვეყანაში დეპორტაცია, რადგან ის რუსეთის მოქალაქე არ არის. 

აღსანიშნავია, რომ ბოლო საქმე რომელზეც ონიანი სასჯელს იხდიდა, ქართველი ბიზნესმენის გატაცებას ეხებოდა. გამოძიების თანახმად, 2009 წელს მოსკოვში ონიანმა თანამზრახველებთან ერთად ქართველი ბიზნესმენი ჯონი მინაძე გაიტაცა და 3 დღის განმავლობაში ნაქირავებ ბინაში ჰყავდა დამწყვდეული. კრიმინალური ავტორიტეტი ბიზნესმენის ახლობლებისგან 500 ათას დოლარს ითხოვდა. თანხის გადაცემის შემდეგ მინაძე გაათავისუფლეს, რის შემდეგაც ონიანის დაკავება მოხდა. 

ტარილ ონიანი, იგივე ტარო ქალაქ ტყიბულში 1952 წელს დაიბადა. პირველი სასჯელი ონიანმა 17 წლის ასაკში მოიხადა, რის შემდეგაც ის კრიმინალური ავტორიტეტი გახდა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა