ამერიკის შეერთებული შტატების პრეზიდენტის ადმინისტრაცია ჰომოსექსუალობის დეკრიმინალიზაციის მიზნით ისტორიაში ყველაზე მასშტაბურ კამპანიას იწყებს.

მსოფლიოს ათობით ქვეყანაში დღემდე ჰომოსექსუალური სექსუალური აქტი სისხლის სამართლის დანაშაულს უტოლდება. რიგ ქვეყნებში განსხვავებული სექსუალური ორიენტაციის გამო ადამიანებს აწამებენ (რუსეთი, ირანი, პაკისტანი, ერაყი, სირია და სხვა).

კამპანიის დაწყება გერმანიაში აშშ-ის ელჩმა რიჩარდ გრენელმა (Richard Grenell) დააანონსა. 

"აღშფოთებას იწვევს ის ფაქტი, რომ XXI საუკუნეში 70 ქვეყანაში ჯერ კიდევ არის კანონი, რომელიც ლგბტ თემის სტატუსის ან ქცევის კრიმინალიზაციას ითვალისწინებს", - ამბობს გრენელი.

NBC-ის ვარაუდით, ინიციატივა განსაკუთრებით ირანის წინააღმდეგ იქნება მიმართული, სადაც ცოტა ხნის წინ საჯაროდ ახალგაზრდა გეი მამაკაცი აწამეს და მოკლეს.

მედიის ცნობით, ვაშინგტონი ამ ინიციატივით ლგბტ ადამიანების დაცვის კუთხით გამოჩენილ ქვეყნებს, გაერო-ს, ევროკავშირსა და ეუთო-ს მხარდაჭერის თხოვნით მიმართავს.

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი