ადამიანის უფლებათა ევროპული სასამართლოს გადაწყვეტილება რუსეთიდან დეპორტირებული საქართველოს მოქალაქეებისთვის 10 მილიონი ევროს გადახდის თაობაზე პოლიტიკური გადაწყვეტილებაა, - ამის შესახებ რუსეთის პარლამეტის ფედერაციის საბჭოს საკონსტიტუციო კანონმდებლობის კომიტეტის თავმჯდომარემ ანდრეი კლიშასმა „რია ნოვოსტისთვის“ მიცემულ ინტერვიუში განაცხადა.

როგორც კლიშასმა აღნიშნა, სტრასბურგის ეს გადაწყვეტილება სავარაუდოდ, რუსეთის კონსტიტუციას ეწინააღმდეგება.

"ადამიანის უფლებათა ევროპული სასამართლოს გადაწყვეტილება პოლიტიკურ ხასიათს ატარებს. ჩვენ უნდა გადავხედოთ ამ გადაწყვეტილებას და გამოვიტანოთ დასკვნა ესადაგება თუ არა ის რუსეთში არსებულ კონსტიტუციას. რუსეთის კანონმდებლობაში გათვალისწინებულია სპეციალური მექანიზმი, რომლის თანახმადაც, საერთაშორისო სასამართლო ორგანოების გადაწყვეტილებები შეიძლება არ აღსრულდეს რუსეთის ტერიტორიაზე. აღვნიშნავ, რომ ჩვენ ეს მექანიზმი რამდენჯერმე უკვე გამოვიყენეთ“, - განაცხადა პოლიტიკოსმა. 

ცნობისთვის, სტრასბურგის სასამართლომ რუსეთს საქართველოს მოქალაქეების მასოვრივი დეპორტაციის გამო, 10 მილიონი ევროს გადახდა დააკისრა. 

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი