ამერიკის შეერთებული შტატების მთავრობის მუშაობის ნაწილობრივ შეჩერება ისტორიაში ყველაზე გრძელვადიანი აღმოჩნდა, - ამის შესახებ BBC იუწყება.

მედია საშუალების ინფორმაციით, ფედერალური მთავრობა უკვე 22-ე დღეა რაც არ მუშაობს. მანამდე 1995-96 წლებში, ბილ კლინტონის პრეზიდენტობის დროს, მთავრობის მუშაობა 21 დღით იყო შეჩერებული. შესაბამისად ახალი რეკორდი დამყარდა. 

მედიის ცნობით, აშშ-ის მთავრობის ნაწილობრივ შეჩერება 800 ათასი სახელმწიფო მოხელის ყოველთვიური თანამდებობრივი სარგოს გარეშე დარჩენას ნიშნავს. 

თეთრი სახლის ლიდერი დონალდ ტრამპი კომპრომისზე წასვლას იქამდე არ აპირებს, სანამ მთავრობისგან მექსიკის კედლის ასაშენებლად ფინანსურ სახსრებს არ მიიღებს. ტრამპი აგრეთვე ქვეყანაში საგანგებო მდგომარეობის გამოცხადებით იმუქრება. როგორც მან აღნიშნა, ამის ლეგიტიმური უფლება გააჩნია და განმარტა, რომ საგანგებო მდგომარეობის გამოცხადების გამო, ბიუჯეტიდან თანხის გამოყოფა სავალდებულო გახდება. ეს თანხა აშშ-მექსიკის საზღვარზე კედლის აშენებას მოხმარდება. 

„დემოკრატები“ კედლის მშენებლობის დასაფინანსებლად $5.7 მილიარდს გაცემას ეწინააღმდეგებიან. 

აშშ-ის მთავრობამ მუშაობა ნაწილობრივ 2018 წლის 22 დეკემბერს შეაჩერა. 

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი