2018-12-26 11:19:22, 4084 ნახვა
მსოფლიო
აშშ-მექსიკის საზღვარზე დაკავებული 8 წლის გვატემალელი მიგრანტი გარდაიცვალა
აშშ-მექსიკის საზღვარზე დაკავებული 8 წლის გვატემალელი მიგრანტი გარდაიცვალა, - ამის შესახებ CNN იუწყება.
მედია საშუალების ინფორმაციით, ბავშვი ამერიკულმა მხარემ დააკავა და ის საზღვრის დაცვის საპყრობილეში იყო მოთავსებული. მოგვიანებით ბავშვი შეუძლოდ გახდა, მას მაღალი სიცხე ჰქონდა, რის გამოც ის საავადმყოფოში გადაიყვანეს. ექიმებმა მისი გადარჩენა ვერ შეძლეს. გარდაცვალების კონკრეტული მიზეზი ჯერ უცნობია.
მედიის ცნობით, მომხდართან დაკავშირებით გვატემალას მთავრობა ინფორმირებულია და გარდაცვლილი ბიჭის ოჯახთან კომუნიკაცია უკვე შედგა.
აღსანიშნავია, რომ ეს აშშ-მექსიკის საზღვარზე ბავშვი-მიგრანტის გარდაცვალების უკვე მეორე შემთხვევაა. მანამდე საზღვარზე 7 წლის გოგო დააკავეს, რის შემდეგაც ის გარდაიცვალა.
![]()
ავტორი: ,
epn.ge (@expressnews.ge)
