2018-12-02 18:46:10, 1609 ნახვა

---

ბესელია - საეჭვოა, რა კავშირი აქვს ოპოზიციის აქციასთან იმ პირების ჩამოსვლას, რომელთა საქმიანობაც სამხედრო შენაერთებს უკავშირდება

„საეჭვო გარემოებაა, რა მიზანს ემსახურებოდა აქციის პარალელურად იმ ადამიანების ჩამოსვლა, რომელთა საქმიანობა სამხედრო შენაერთებს უკავშირდება“, - მის შესახებ პარლამენტის იურიდიულ საკითხთა კომიტეტის თავმჯდომარემ, ეკა ბესელიამ თბილისში ჩატარებული სპეცოპერაციის შესახებ საუბრისას განაცხადა.

მისივე თქმით, კონსტიტუციის ფარგლებში პროტესტის გამოხატვის უფლება ყველას ექნება, თუმცა ხელისუფლება არეულობის უფლებას არავის მისცემს.

„ეს არის ძალიან საყურადღებო, მე გამიჩნდა ძალიან ბევრი კითხვა , რატომ და როგორ დაემთხვა, ან რა მიზანს ემსახურებოდა იმ ადამიანების ჩამოსვლა ქვეყანაში დღეს, ამ აქციის პარალელურად, რომელთა საქმიანობა უკავშირდება სამხედრო შენაერთებს და უკრაინაში საბრძოლო მოქმედებების პროცესთან დაკავშირებულ პირებს. ბუნებრივია, საეჭვო გარემოებაა, რა კავშირი აქვს მათ ჩამოსვლას ამ დაგეგმილ აქციასთან და იმ პროვოკაციებთან, რომელსაც „ნაციონალური მოძრაობა“ აპირებდა და შეიძლება კიდევ აქვთ ეს განზრახვა, ამიტომ, ეს კითხვები არის და პასუხი სჭირდება“, - აღნიშნა ეკა ბესელიამ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი