საფრანგეთის ჩრდილოეთ ნაწილში, ქალაქ ენენ-ბომონში, ე.წ. ყვითელი ჟილეტების აქციის მონაწილეებთან შეტაკების დროს შვიდი პოლიციელი დაშავდა, - ამის შესახებ BFMTV იუწყება.

მედია საშუალების ინფორმაციით, აქციის მონაწილეებმა სამართალდამცველების ავტომობილი გადააბრუნეს და დაწვეს.

მედიის ცნობით, აქცია ქვეყნის დედაქალაქ პარიზშიც მიმდინარეობს. მოქალაქეებს ელისეის მინდვრების გადაკეტვა უნდათ, რის საშუალებასაც მათ პოლიცია არ აძლევს. მომიტინგეები სახელმწიფო უწყებებთან მისვლას ცდილობენ.

BFMTV იტყობინება, რომ დემონსტრანტებსა და სამარტალდამცველებს შორის დაპირისპირება მოხდა, რა დროსაც პოლიციამ აქციის მონაწილეების წინააღმდეგ ცრემლსადენი გაზი გამოიყენა.

ცნობისთვის, საფრანგეთში მასობრივი პროტესტი 17 ნოემბერს დაიწყო. მოქალაქეები საწვავზე ფასების ზრდას აპროტესტებენ. საფრანგეთის შინაგან საქმეთა სამინისტროს მონაცემებით ერთი კვირის წინ გამართულ ანალოგიურ აქციაში 287 ათასმა მოქალაქემ მიიღო მონაწილეობა. ერთ-ერთ ქალაქში გამართულ აქციაზე 500-მდე ადამიანი დაშავდა, ერთი კი, გარდაიცვალა.

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი