ხელისუფლება დარწმუნდა, რომ ეს არის საზოგადოებისათვის საშიში, - ასე გამოეხმაურა პატრიარქის მდივანი მიქაელ ბოტკოველი ხელისუფლების გადაწყვეტილებას კანაფის კულტივაციის კანონპროექტის გაწვევასთან დაკავშირებით.

როგორც ბოტკოველმა აღნიშნა, ხელისუფლება კანონპროექტის გაწვევის არგუმენტად საზოგადოების რეაქცია და ეკლესიის პოზიცია დაასახელა.

"ის, რომ ხელისუფლებამ იცოდა ჩვენი პოზიცია ამაზე კომენტარს აღარ გავაკეთებ. ხელისუფლებამ გადაწყვიტა, რომ ჩვენთან კიდევ ერთხელ გაევლო კონსულტაციები და მობრძანდნენ ხელისუფლების მაღალი თანამდებობის პირები საპატრიარქოში, მის უწმინდესობასთან შეხვედრაზე, რომ მათ კიდევ ერთხელ გაევლოთ მასთან საკითხი, რომელსაც მარიხუანის კულტივაცია ჰქვია. ხელისუფლება დარწმუნდა, რომ ეს არის საზოგადოებისათვის საშიში და ის ძალისხმევა, რომელსაც ეკლესია აქამდე ახორციელებდა და არა მარტო მართლმადიდებელი ეკლესია, მინდა ავღნიშნა, რომ კულტივაციას არ უჭერდა მხარს საქართველოში არსებული არც ერთი რელიგიური კონფესია, აქედან გამომდინარე, მათ დაინახეს, საზოგადოების პოზიცია და პატრიარქთან მათ განაცხადეს, რომ ისინი უკან წაიღებენ კანონპროექტს, რომელიც პარლამენტშია შეტანილი. არგუმენტად დაასახელეს, რომ მათ დაინახეს საზოგადოების რეაქცია და ეკლესიის პოზიცია, რომ ისინი ანგარიშს გაუწევენ ამ ყველაფერს", - განაცხადა მიქაელ ბოტკოველმა.

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი