კომპანია Google-ში დასაქმებული ადამიანები, მთელი მსოფლიოს მასშტაბით აქციებს მართავენ.

BBC-ის ინფორმაციით, აქციები გენდერული დისკრიმინაციის, რასიზმისა და სექსუალური ზეწოლის წინააღმდეგაა მიმართული.

აქცია გასულ კვირას NEW YORK TIMES- ში გამოქვეყნებულ სტატიას მოჰყვა, სადაც წერენ, რომ GOOGLE- მა კომპანიის ყოფილ ვიცე-პრეზიდენტ ენდი რუბინს, კომპენსაციის სახით 90 მილიონი დოლარი აუნაზღაურა, როდესაც ის სექსუალური ზეწოლის ბრალდებით სამსახურიდან დაითხოვეს. რუბინმა სტატიაში დაწერილი ბრალდებები უარყო და აღნიშნა, რომ კომპენსაციად მსგავსი ოდენობის თანხა არ მიუღია. რუბინისგან განსხვავებით, GOOGLE-მა სტატია არ გააპროტესტა და არც მისი შინაარსი უარყო.

ამ ფაქტმა კიდევ უფრო გაამწვავა თანამშრომლების უკმაყოფილების ტალღა, რომელიც უკვე დიდი ხანია გრძელდება. როგორც სჩანს, თანამშრომლები გენდერულმა დისკრიმინაციამ წლების განმავლობაში გაანაწყენა.

საპროტესტო აქციის ორგანიზატორებს რამდენიმე მოთხოვნა აქვთ. ისინი მოითხოვენ, რომ საჯარო გახდეს ინფორმაცია, თუ რამდენად თანაბრად ნაწილდება ხელფასები გენდერული და ეთნიკური მიმართულებით. ასევე, კომპანიის ადამიანური რესურსების სამსახურმა  სექსუალური ზეწოლის ფაქტები სამართლიანად შეაფასოს. ორგანიზარტორებმა GOOGLE-ის მფლობელ კომპანია ALPHABET-ს მიმართეს, რომ დირექტორთა საბჭოს დასაქმებულთა წარმომადგენელიც შეუერთონ.

აქციის ორგანიზატორები მსოფლიოს მასშტაბით, კომპანიის ოფისებიდან კიდევ ათასობით წარმომადგენლის გამოსვლას ელოდებიან.

აქციებს გამოეხმაურა GOOGLE- ის აღმასრულებელი დირექტორი და განაცხადა, რომ კომპანია მათ მოთხოვნებზე მუშაობს.

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი