თურქეთის ხელისუფლების მტკიცებით, ამერიკული გამოცემა The Washington Post-ის მიმომხილველი ჯამალ ჰაშაღი მოკლეს, - ამის შესახებ Euronews იუწყება.

მედია საშუალების ინფორმაციით, ოფიციალური ანკარა ჟურნალისტის მკვლელობაში საუდის არაბეთის ხელისუფლებას ადანაშაულებს. თურქეთმა შესაბამისი ცნობა ამერიკის ოფიციალურ პირებს უკვე მიაწოდა.

ანკარამ ელ-რიადი ჟურნალისტის მკვლელობაში მას შემდეგ დაადანაშაულა, რაც სამართალდამცველების მიერ მოპოვებულ აუდიო და ვიოდე ჩანაწერებს გაეცნო.

თურქეთის ხელისუფლება აცხადებს, რომ ჟურნალისტის ცხედარი დაანაწევრეს, რათა პოლიციას ის არ ეპოვა. მათივე მტკიცებით, ჟურნალისტის მოსაკლავად, საუდის არაბეთმა თურქეთში „სიკვდილის ესკადრონი“ გაგზავნა, რომელიც 15 კაცისგან შედგება.

შეგახსენებთ, რომ 2 ოქტომბერს ჯამალ ჰაშაღი სტამბოლში საუდის არაბეთის გენერალურ საკონსულოში მივიდა, მას შემდეგ, რაც საკონსულოს თანამშრომლები მას ტელეფონით დაუკავშირდნენ და გარკვეული დოკუმენტების ხელმოწერის მიზნით საკონსულოში მისვლა სთხოვეს. ამის შემდეგ მისი კვალი იკარგება. ჟურნალისტის ცოლი ამბობს, რომ ის ქმარს საკონსულოსთან ელოდა, თუმცა ის შენობიდან აღარ გამოსულა. ჰაშაღი წარმოშობით საუდის არაბეთიდანაა. ჟურნალისტი ერ-რიადის მიმართ კრიტიკული განცხადებებით არის ცნობილი. 2017 წელს მან სამშობლო დატოვა და საცხოვრებლად აშშ-ში გადავიდა. 

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი