ჩვენ განვაგრძობთ პოლიტიკას, რომელზეც დაფუძნებულია სავალუტო ფონდთან არსებული პროგრამა- ამის შესახებ  ფინანსთა მინისტრის მოადგილემ, გიორგი კაკაურიძემ 2019 წლის ბიუჯეტის პროექტის განხილვისას განაცხადა.

მისი თქმით,  ეს გულისხმობს მიმდინარე ხარჯების შემცირებას მთლიან შიდა პროდუქტთან მიმართებაში და რესურსის ინფრასტრუქტურული პროგრამების დაფინანსებაზე მიმართვას. 

იგი ასევე გამოეხმაურა საპარლამენტო ოპოზიციის კრიტიკას სახელმწიფო ბიუჯეტში არამიზნობრივი და არაეფექტური ხარჯების არსებობის შესახებ.

„თითოეული პროექტის ეფექტურობის შეფასება უნდა მოხდეს მას შემდეგ, რაც პროექტი განხორციელდება და მას შემდეგ უნდა ვიმსჯელოთ, რამდენად ეფექტურია ესა თუ ის პროგრამა. პროგრამაზე „დანერგე მომავალი“ სოფლის მეურნეობის სამინისტროსგან გვაქვს ინფორმაცია, თუ როგორ გაიზარდა პროგრამის დაწყების შემდგომ მრავალწლოვანი კულტურები საქართველოში და რამდენად მეტი მოსავალი მოვა, რაც ერთი მხრივ, იმპორტს ანაცვლებს და ზრდის ექსპორტის შესაძლებლობას. იმაზე საუბარი, რომ ესა თუ ის პროგრამა არის არამიზნობრივი, თუ შეფასება არ განხორციელდა და არგუმენტებით არ ვისაუბრეთ, ნამდვილად ვერ გავიზიარეთ. პროგრამის “აწარმოე საქართველოს“ გაუმჯობესება შეიძლება და ამაზე ახალი მინისტრი მუშაობს, რათა აღნიშნული პროგრამა უფრო მეტად ეფექტური და დახვეწილი იყოს“, - აღნიშნა ფინანსთა მინისტრის მოადგილე გიორგი კაკაურიძემ.

(NS)

ავტორი: ,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი