ევროსაბჭომ მოსკოვს სანქციების გაუქმებაზე უარი უთხრა.

საქართველოს პარლამენტის ინფორმაციით, რეზოლუცია განსახილველად კომიტეტებში დაბრუნდა. აღნიშნულ საკითხს 99 მომხრე, 79 - წინააღმდეგი ჰყავდა. 16 დეპუტატმა კენჭისყრაში მონაწილეობისგან თავი შეიკავა. 

 „რეზოლუცია დაბრუნდა კომიტეტებში. ეს ნიშნავს, რომ მინიმუმ  ერთი წლის განმავლობაში რუსეთს არ აღუდგება ხმის უფლება ევროსაბჭოში", -  განაცხადა საქართველოს დელეგაციის ხელმძღვანელმა თამარ ჩუგოშვილმა.

მისივე  განცხადებით, ევროსაბჭო არ წავიდა კომპრომისზე და არ დაუშვა პრეცედენტი, რომ ნაკისრი ვალდებულებების შეუსრულებლობის შემდეგ რუსეთის ფედერაციას სანქციები მოხსნოდა.

„ეს არის ევროსაბჭოს დიდი გამარჯვება, რომ არ მიიღო რეზოლუცია და არ შეურბილა რუსეთის ფედერაციას  მდგომარეობა. ეს იყო ძალიან მნიშვნელოვანი გზავნილი ევროპის მხრიდან რუსეთის მიმართ. მიუხედავად იმისა, რომ იყო ძალიან დიდი წნეხი მთელი ამ დღეებისა და გასული წლის განმავლობაში,  მათ მაინც ვერ მოახერხეს იმ შედეგის მიღება, რა შედეგის მიღებაც სურდათ.

რაც შეეხება პროცედურულ საკითხს,  უნდა შევიდეს თუ არა საპარლამენტო ასამბლეის საპროცესო წესებში  რაიმე ცვლილება, ამაზე  კომიტეტებში მომავალში გაგრძელდება მსჯელობა",- განაცხადა ჩუგოშვილმა. 

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი