"იური ვაზაგაშვილის მკვლელობა კლასიკური ტერირისტული აქტია" - ამის შესახებ "საქართველოს პატრიოტთა ალიანსის" თავმჯდომარემ დავით თარხან-მოურავმა ტელერადიოკომპანია "ობიექტივის" პირდაპირ ეთერში განაცხადა.

როგორც თარხან-მოურავმა განაცხადა, აღნიშნული ტერაქტი იმიტომ გაბედეს, რომ ხელისუფლება ორი წლის განმავლოაში ქვეყანაში სამართლიანობის აღდგენას ეწინააღმდეგებოდა.

"ქართველმა ხალხმა სააკაშვილის რეჟიმი, დიდი ბრძოლის შედეგად დაამხო. ქართველმა ხალხმა ახალი ხელისუფლება მოიყვანა, იმ დაკვეთით, რომ ისინი აღადგენდნენ უპირველეს ყოვლისა სამართლიანობას. ეს ყველაზე მნიშვნელოვანი ამოცანა არ აღსრულდა. საქმე იქამდე მივიდა, რომ დამნაშავეები, რომლებიც ხელისუფლებამ არ დასაჯა, საზოგადოებას აქეთ ემუქრებოდნენ, შედეგად კი დღეს სახეზეა ტერორისტული აქტი, მოკლეს ის კაცი, რომელიც მრავალი წლის განმავლობაში იბრძოდა სამართლიანობის აღდგენისთვის. -განაცხადა დავით თარხან-მოურავმა.

"პატრიოტთა ალიანსის" ლიდერის აზრით, 2 წელი საკმარისზე მეტი დრო იყო იმისათვის, რომ ზურაბ ვაზაგაშვილის საქმე ხელისუფლებას გაეხსნა. მისივე პოზიციით ის რომ ვაზაგაშვილის საქმე არ გაიხსნა არის ხელისუფლების უუნარობა.

"ჩვენი ხელისუფლება სათანადო ზნეობრივ სიმაღლეზე არ აღმოჩნდა, რომ სწორად გაეაზრებინა, რას ნიშნავს სამართლიანობის აღადგენის მოთხოვნა. როცა არ დგახარ ამ ზნეობრივ სიმაღლეზე, არ გესმის, რა სტკივა შენს ხალხს. არ სჯი დამნაშავეებს და ამით ბოროტების წახალისებას ახდენ. ზურაბ ვაზაგაშვილი გამოჩენილი საზოგადო მოღვაწე, ჩვენი ერთგული თანამებრძოლი იყო, ის 2 წლის მანძილზე ითხოვდა დამნაშავეების დასჯას. ის შეეწირა სამართალიანობის აღდგენის იდეას, საქმეს, რაც უზომოდ დასაფასებელია."-აღნიშნა თარხან-მოურავმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს