აშშ-ში უზენაესი სასამართლოს მოსამართლეობის კანდიდატის ბრეტ კავანოს დანიშვნას მასობრივი საპროტესტო აქციები მოყვა. 

აშშ-ს სენატთან საპროტესტო აქციაზე 170-ზე მეტი ადამიანი იქნა დაკავებული. აქციის მონაწილეები სენატორებთან შეხვედრას ითხოვდნენ, რის უფლებაც მათ პოლიციამ არ მისცა.

"ჩემთვის გასაგებია, რომ "რესპუბლიკელი" სენატორებისთვის ყველაფერი სულერთია, მათთვის ყველა მოტივი დასაშვებია სიმართლის გარდა" - გადმსცემს "ევრონიუსი" საპროტესტო აქციის მონაწილის მოსაზრებას.

"ვიზიარებ ამ დიდ ტკივილს მილიონობით ამერიკელთან ერთად, მაგრამ მოვუწოდებ ჩემს თანამემამულეებს - ამ ღია აგრესიაზე პასუხი ერთია- ხმა მიეცით" - განაცხადა "დემოკრატული პარტიის"  წევრმა კონგრესმენმა ჩაკ შუმერმა.

შეგახსენებთ ბრეტ კავანოს მხარი 51 სენატორმა დაუჭირა, წინააღმდეგ ხმა 49 სენატორმა მისცა. 
სენატის მიერ უზენაესი სასამართლოს მოსამართლედ ბრეტ კავანოს დამტკიცებას სოციალურ ქსელში აშშ-ის პრეზიდენტი დონალდ ტრამპი გამოეხმაურა.

„მივესალმები და ვულოცავ აშშ-ის სენატს დიდებული ნომინანტის, მოსამართლე ბრეტ კავანოს უზენაეს სასამართლოში დამტკიცებას. დღეს, მოგვიანებით, მე ხელს მოვაწერ მის დანიშვნას და ის ოფიციალურად დადებს ფიცს“, – წერს დონალდ ტრამპი Twitter -ში.

კავანოს სექსუალურ შევიწროებაში და გაუპატიურების მცდელობაში სამი ქალი ადანაშაულებდა, მისმა კანდიდატურამ საზოგადოების პოლარიზაცია გამოიწვია. 

პროფესორმა კრისტინა ფორდმა, რომელიც კავანოს 1980-იან წლებში, როდესაც ის 15, ხოლო კავანო 17 წლის იყო, მასზე სექსუალურ ძალადობაში დაადანაშაულა, სენატის იურიდიულ კომიტეტს ჩვენება მისცა, ისევე როგორც თავად კავანომ. გამოძიებათა ფედერალურმა ბიურომ კავანოს კურსელები გამოკითხა და სენატს ანგარიში გადასცა.

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი