თურქეთის პრეზიდენტის რეჯეპ ტაიფ ერდოღანის განცხადებით, FETO-ს, რომელსაც ანკარაში ტერორისტულ ორგანიზაციად მიიჩნევენ, ამერიკის შეერთებული შტატები აფინანსებს. ამის შესახებ განცხადება პრეზიდენტმა გაერო-ს გენერალურ ასაბლეაზე გააკეთა.

როგორც ერდოღანმა აღნიშნა, ფეთჰულა გიულენის ორგანიზაცია ამერიკის ბიუჯეტიდან წელიწადში 763 მილიონ დოლარს იღებს.

ამასთან, თურქეთის პრეზიდენტმა კრიტიკა გაეროს მიმართაც გამოთქვა და განაცხადა, რომ ორგანიზაცია კაცობრიობის მოლოდინებს აღარ ამართლებს. მისივე თქმით, გაეროს უშიშროების საბჭო მსოფლიოში არსებულ უსამართლობებზე ადეკვატურ რეაქციას არ ახდენს და მხოლოდ ხუთი ქვეყნის ინტერესებიდან გამომდინარე მოქმედებს.

აღსანიშნავია, რომ თურქეთის პრეზიდენტი რეჯეფ ტაიფ ერდოღანი გაეროს გენერალური ასამბლეის სხდომათა დარბაზიდან იმ დროს გავიდა, როცა აშშ-ის პრეზიდენტი სიტყვით გოდიოდა.

შეგახსენებთ, ორ ქვეყანას შორის ვითარება მას შემდეგ დაიძაბა, რაც თურქეთში ამერიკელი პასტორი, ენდრიუ ბრანსონი დააპატიმრეს. ოფიციალურმა ვაშინგტონმა თურქეთს პასტორის გათავისუფლების მოთხოვნით რამდენჯერმე მიმართა, რაზეც ანკარამ უარი განაცხადა. პასტორი 2017 წელს იზმირში დააკავეს. მას ბრალად თურქეთში აკრძალულ „ქურთისტანის მუშათა პარტიასთან“ და ფეთჰულაჰ გიულენის ორგანიზაციასთან კავშირი ედება. ბრალის დამტკიცების შემთხვევაში, მას 35-წლიანი პატიმრობა ემუქრება. ბრანსონი, მეუღლესთან ერთად, თურქეთში, ქალაქ იზმირში, 23 წლის განმავლობაში ცხოვრობდა და ქრისტიანული ეკლესიის მოძღვარი იყო.მანამდე ვითარების დაძაბვას ხელს უწყობა ფეთჰულა გიულენის ფაქტორიც. კერძოდ, მუსლიმი მქადაგებელი, რომელიც პენსილვანიაში ცხოვრობს, თუქეთის ხელისუფლების მხრიდან სამხედრო პუტჩის ორგანიზატორად მიიჩნევა. ანკარამ ამერიკას მისი ეკსტრადირების მოთხოვნით რამდენჯერმე მიმართა, თუმცა ამერიკამ გიულენის გადაცემაზე უარი განაცხადა. 

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი