ამერიკის პრეზიდენტმა, დონალდ ტრამპმა სენატორ ჯონ მაკკეინის გარდაცვალებასთან დაკავშირებით, აშშ-ის ეროვნული დროშების დაშვების ბრძანება ისევ გასცა, - ამის შესახებ ინფორმაციას  BBC ავრცელებს.

„პოლიტიკასთან დაკავშირებით აზრთა სხვადასხვაობის მიუხედავად, პატივს ვცემ სენატორ ჯონ მაკკეინის მიერ ჩვენი ქვეყნისთვის გაწეულ სამსახურს. მის პატივსაცემად ხელი მოვაწერე სახელმწიფო დროშების დაშვების შესახებ ბრძანებას“,  -აღნიშნულია დონალდ ტრამპის განცხადებაში.

ტრამპმა ასევე დაადასტურა, რომ  მომავალ კვირას მაკკეინის დაკრძალვას არ დაესწრება.

განცხადებაში ნათქვამია, რომ მაკკეინის დაკრძალვას თეთრი სახლის ადმინისტრაციის წევრები, მათ შორის ტრმპის აპარატის უფროსი და თავდაცვის მდივანი დაესწრებიან.

როგორც ცნობილია, მაკკეინის ხსოვნისადმი მიძღვნილი საზეიმო ცერემონიას  აშშ-ს ყოფილი პრეზიდენტები, ჯორჯ ბუში და ბარაკ ობამა გაუძღვებიან.

გამოსამშვიდებელი სიტყვით ცერემონიაზე გამოვა ვიცე-პრეზიდენტი მაიკლ პენსიც.

 შეგახსენებთ, რომ The Washington post-ის ცნობით, დონალდ ტრამპმა სენატორ მაკკეინის გარდაცვალებასთან დაკავშირებით, თეთრი სახლის მიერ ოფიციალური განცხადების გამოქვეყნებაზე უარი თქვა.  ბოლო პერიოდში დონალდ ტრამპსა და ჯონ მაკკეინს შორის ურთიერთობა დაძაბული იყო. ამერიკელი სენატორი თეთრი სახლის ლიდერს ღიად აკრიტიკებდა. სიკვდილამდე ცოტა ხნით ადრე მაკკეინმა დონალდ ტრამპის ვლადიმერ პუტინთან შეხვედრას „ტრაგიკული შეცდომა“ უწოდა. გარდა ამისა, დონალდ ტრამპმა 2015 წელს განაცხადა, რომ ჯონ მაკკეინს გმირად არ მიიჩნევს, რადგან ვიეტნამის ომის დროს ის ტყვედ ჩავარდა: „პატივს ვცემ იმ ადამიანებს, რომლებიც ტყვედ არ ჩავარდნენ“.

81 წლის ასაკში საკუთარ სახლში ამერიკელი სენატორი ჯონ მაკკეინი გარდაიცვალა. როგორც ცნობილია მაკკეინი ტვინის სიმსივნეს ებრძოდა და რამდენიმე თვის წინ მძიმე ოპერაციაც გადაიტანა.

ავტორი: ,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი