გუშინ, გვიან ღამით, გლდანში, ლგბტ თემის სამი წარმომადგენელი ჰომოფობიური სიძულვილით მოტივირებული დანაშაულის მსხვერპლები გახდნენ. როგორც დაზარალებული ამბობს ორმა 20 წლამდე ახლაგაზრდამ მათ ჰომოფობიური შინაარსის სიტყვიერი შეურაცხყოფა მიაყენა და შემდეგ მათ ცემაზე გადავიდა. 
"პოლიცია თავიდან გულგრილად ეკიდებოდა საქმეს, თუმცა "თანასწორობის მოძრაობა-ს იურისტის და საგამოძიებო ნაწილში სხვა განყოფილების ჩართვის შემდეგ, პოლიციის დამოკიდებულება გაუმჯობესდა. დაზარალებულებმა ამ წამს დატოვეს ექსპერტიზის სამსახური. ჩვენ ვამონიტორინგებთ ამ საქმეს, რათა დამნაშავეები საკადრისად დაისაჯონ." - წერია თანასწორობის მოძრაობის განცხადებაში.
ამასთან როგორც "ექსპრესნიუსს" შინაგან საქმეთა სამინისტროში განუცხადეს, შინაგან საქმეთა სამინისტრომ ჰომოფობიურ ნიადაგზე ჩადენილი ძალადობის ფაქტზე გამოძიება დაიწყო
შინაგან საქმეთა სამინისტროს საპატრულო პოლიციის დეპარტამენტმა გლდანში გენდერული იდენტობის ნიშნით მოტივირებული ძალადობის ფაქტზე გამოძიება დაიწყო. 
გამოძიების პირველადი მონაცემებით გლდანში, ერთ-ერთ სკვერში 1998 წელს დაბადებულმა ს.ყ.-მ და 1999 წელს დაბადებულმა მ.გ. სიტყვიერი და ფიზიკური შეურაცხყოფა მიაყენეს  სამ პირს.
მომხდარ ფაქტთან დაკავშირებით მიმდინარეობს გამოძიება სისხლის სამართლის კოდექსის 126-ე მუხლის I ნაწილით.  დანიშნულია სასამართლო-სამედიცინო ექსპერტიზები.

ავტორი: ,

სოციალური ქსელები

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა