თბილისში გუშინ, გვიან ღამით, ტრანსგენდერ ქალს თავს დაესხნენ.

არსებული ინფორმაციით, ორთაჭალის ავტოსადგურის მიმდებარე ტერიტორიაზე მას სამი პირი ფიზიკურად გაუსწორდა.

დაშავებული საავადმყოფოშია გადაყვანილი.

ამასთან, სოციალურ ქსელში ვრცელდება ინფორმაცია, რომ თავდამსხმელები სამხედრო მოსამსახურეები არიან. აღნიშნულთან დაკავშირებით "ექსპრესნიუსი" თავდაცვის სამინისტროს დაუკავშირდა. როგორც უწყებაში აღნიშნეს, საქმეს შინაგან საქმეთა სამინისტრო იძიებს და მათთვის ამ ეტაპზე უცნობია, ფიგურირებენ თუ არა თავდასხმაში სამხედროები.

შინაგან საქმეთა სამინისტროს ცნობით, ფაქტზე დაუყოვნებლივ დაიწყო გამოძიება სისხლის სამართლის კოდექსის 126-ე მუხლით, რაც ძალადობას გულისხმობს.

„ამჟამად ტარდება საგამოძიებო მოქმედებები, მათ შორის გამოსაკითხად დაბარებულია ინციდენტში მონაწილე ორივე მხარე. დანიშნულია შესაბამისი ექსპერტიზები და უმოკლეს ვადებში იქნება შესაბამისი შედეგი“, - განუცხადეს "ექსპრესნიუსს" შსს-ში.

ავტორი: ,

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან