„ყველა ძალიან კარგად იცის, ყველა დანახული ჰყავს, იმიტომ, რომ პირდაპირ ეპიცენტრში იყო“,  - ასე გამოეხმაურა ხორავას ქუჩაზე მოკლული მოზარდის, დავით სარალიძის მამა,  ზაზა სარალიძე 51-ე სკოლის მოსწავლის, დ.ღ.-ს დაკავების ფაქტს.

ზაზა სარალიძის თქმით, დაკავებულმა მოზარდმა  სასამართლოს ცრუ ჩვენება შესაძლოა იმიტომ მისცა, რომ ის დააშინეს.

„რაც შეეხება მკვლელობას, ნებისმიერი ჭრილობა, 12-ვე მომაკვდინებელი იყო ჩემთვის, ჩემი შვილის მიმართ, რაც იყო გამოყენებული. დ.ღ-მ ცრუ ჩვენება იმიტომ მისცა, რომ შესაძლებელია ან თავისი მენტალობიდან გამომდინარე, ან ზეწოლის ქვეშ იყო, ან მოისყიდა ვინმემ, ან დააშინეს“, -აღნიშნა ზაზა სარალიძემ.

ზაზა სარალიძე დ.ღ.-ზე ზეწოლის განმახორცილებელ პირებად მირზა სუბელიანსა და ბორის კაკუბავას მიიჩნევს.

„ან მირზა სუბელიანი, ან ბორის კაკუბავა, ან ვინმე დაინტერესებული პირი“, - განაცხადა ზაზა სარალიძემ.

შეგახსენებთ, ხორავას ქუჩაზე მომხდარი მკვლელობის ძირითადი საქმიდან გამოყოფილი საქმის ფარგლებში, ცენტრალური კრიმინალური პოლიციის დეპარტამენტის თანამშრომლებმა, ცრუ ჩვენების მიცემის ბრალდებით, არასრულწლოვანი დ.ღ. დააკავეს.

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება