საქართველოს ეკონომიკისა და მდგრადი განვითარების მინისტრი გიორგი ჩერქეზიშვილი ენერგეტიკული გაერთიანების სამდივნოს დირექტორს იანეშ კოპაჩს შეხვდა.

შეხვედრის დროს განხილული იყო საქართველოს მიერ ენერგეტიკის სექტორში მიმდინარე და დაგეგმილი რეფორმები. შეხვედრას ასევე დაესწრო ეკონომიკისა და მდგრადი განვითარების მინისტრის მოადგილე გიორგი ჩიქოვანი.

შეხვედრაზე განსაკუთრებულად გაესვა ხაზი ენერგეტიკის სექტორში მიმდინარე რეფორმის მნიშვნელობას, რომლის შედეგადაც ენერგობაზარი გახდება უფრო მეტად ლიბერალური, მიმზიდველი საერთაშორისო კაპიტალისთვის და გაცილებით მეტად ინტეგრირებული რეგიონალურ ენერგოსისტემაში, რაც, თავის მხრივ, გაზრდის ქვეყნის ენერგეტიკული უსაფრთხოებისა და სტაბილურობის ხარისხს. 

შეხვედრაზე აღინიშნა ის დიდი პროგრესი, რომელსაც საქართველომ მიაღწია ენერგეტიკის სექტორში რეფორმების გატარების მიმართულებით. განსაკუთრებული ხაზი გაესვა ნორმატიული ბაზის შემუშავების კუთხით გადადგმულ ნაბიჯებს. ყურადღება გამახვილდა მთელ რიგ კანონპროექტებზე, რომლებიც ეკონომიკისა და მდგრადი განვითარების სამინისტროში მომზადდა და ამჟამად პარლამენტშია განსახილველად გადაგზავნილი.

მხარეებმა ასევე განიხილეს საქართველოს რეგიონული თანამშრომლობის საკითხები ენერგეტიკის სექტორში.

(NS)

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება