31 მაისს ადამიანის უფლებათა ევროპულმა სასამართლომ საქმეზე − „რამიშვილი საქართველოს წინააღმდეგ" − გადაწყვეტილება გამოაქვეყნა და მომჩივან შალვა რამიშვილის მიმართ დაადგინა ადამიანის უფლებათა და ძირითად თავისუფლებათა დაცვის კონვენციის დამატებითი ოქმის მე-3 მუხლის (თავისუფალი არჩევნების უფლება) დარღვევა.

კერძოდ, ადამიანის უფლებათა ევროპულმა სასამართლომ დაადგინა, რომ მსჯავრდებულ პირთა ხმის მიცემის უფლების აკრძალვა, რომელსაც ითვალისწინებდა 2008 წელს მოქმედი „საქართველოს საარჩევნო კოდექსის" მე-5 მუხლის მე-2 ნაწილი და „საქართველოს კონსტიტუციის" 28-ე მუხლის მე-2 პუნქტი, იყო ზოგადი, ავტომატური და განურჩეველი ხასიათის. აღნიშნული აკრძალვა ვრცელდებოდა ყველა მსჯავრდებულზე, მიუხედავად მათი სასჯელის ხანგრძლივობისა და ჩადენილი დანაშაულის ხასიათისა და სიმძიმისა. შესაბამისად, მომჩივანმა მონაწილეობა ვერ მიიღო არჩევნებში.

სასამართლომ აღნიშნა, რომ მოგვიანებით, 2011 წელს  კონსტიტუციასა და საარჩევნო კოდექსში განხორციელდა ცვლილებები და ნაკლებად მძიმე დანაშაულისთვის მსჯავრდებულ პირებს მიეცათ არჩევნებში ხმის მიცემის შესაძლებლობა, თუმცა, ამ ცვლილებების განხორციელება არ ახდენს გავლენას იმ გარემოებაზე, რომ  2008 წლის მაისის არჩევნებში მომჩივანმა მონაწილეობის მიღება ვერ შეძლო. შესაბამისად, ადამიანის უფლებათა ევროპულმა სასამართლომ საქმეზე − „რამიშვილი საქართველოს წინააღმდეგ" − მომჩივან შალვა რამიშვილის მიმართ დაადგინა ადამიანის უფლებათა და ძირითად თავისუფლებათა დაცვის კონვენციის დამატებითი ოქმის მე-3 მუხლის (თავისუფალი არჩევნების უფლება) დარღვევა.

(NS)

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს