ხორავას ქუჩაზე მოზარდების მკვლელობის საქმეზე მომუშავე დამოუკიდებელი სამედიცინო ექსპერტი მაია ნიკოლეიშვილი პროკურატურაში გამოკითხვაზე იმყოფება.

მისი დაბარება 26 მაისს სასამართლო სხდომაზე მომხდარ ინციდენტს უკავშირდება, სადაც ნიკოლეიშვილის განცხადებით,  საქმის პროკურორი ადვოკატისა და ექსპერტის დაშინებას ცდილობდა, იმის გამო, რომ დასკვნა ბრალდების მხარისთვის სასურველი შინაარსის შემცველი არ აღმოჩნდა.

 მაია ნიკოლეიშვილი იმედოვნებს, რომ საქმის შესწავლა ობიექტურად მოხდება.

 „ჩვენ ვცხოვრობთ სამართლებრივ სახელმწიფოში. ვცდილობთ, ყოველ შემთხვევაში, რომ სახელმწიფო იყოს სამართლებრივი, სადაც ყველაფერს აქვს თავის წესი.  მტკიცებულება არის, თუ ის ეწინააღმდეგება სხვა მტკიცებულებებს ამას შეაფასებს მოსამართლე. პროკურატურა არის მხარე და მე სხვა დროს პროკურორებისგან ასეთი ქცევა არ მინახავს,  ეს იყო საოცარი აგრესია. კითხვაზე, როდესაც არ იღებდა პროკურორი სასურველ პასუხს ამ კითხვას სვამდა თავიდან, თითქოს დაღლაზე... ეს გამოყოლილი, ძველი ჩვევა პროკურორებს ჰქონდათ. მაშინ საპროცესო კოდექსი იყო სხვაგვარი. პროკურორი მაშინ მართლაც სხვა იყო... დღეს არის შეჯიბრებითობა. პროკურორი არის მხარე, არავინ არავისზე მაღლა არ დგას, არავინ არავის არ უნდა აშინებდეს“, - განაცხადა მაია ნიკოლეიშვილმა.

შეგახსენებთ, პროკურატურის გენინსპექციამ პროკურორის მხრიდან შესაძლო პროკურორების მხრიდან სავარაუდო გადაცდომის ფაქტზე, მოკვლევა დაიწყო.

ავტორი: ,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე