თბილისის საქალაქო სასამართლოში ხორავას ქუჩაზე მოზარდების მკვლელობის საქმის განხილვა განახლდა.

დღევანდელ პროცესზე საქმის მთავარი გამომძიებელი დაიკითხება. ასევე, დაგეგმილია ორი თვითმხილველის დაკითხვა, რომელიც შემთხვევის დროს მიმდებარე ტერიტორიაზე იმყოფებოდნენ.

„ბრალდების მხარე დაკითხავს მოწმეებს. მათ შორის საქმის მწარმოებელი გამომძიებელი იქნება, რომელმაც მნიშვნელოვანი მტკიცებულებები მოიპოვა გამოძიების ეტაპზე. გარდა ამისა, დაიკითხებიან თვითმხილველი მოწმეები, რომლებმაც უშუალოდ იხილეს ხორავას ქუჩაზე განვითარებული მოვლენები“, – განაცხადა საქმის პროკურორმა ზვიად ფხაკაძემ.

მისი თქმით, შესაძლოა, პროცესზე ნივთიერი მტკიცებულებებიც გამოიტანონ, მათ შორის ერთ-ერთი ბრალდებულის ტანსაცმელი.

შეგახსენებთ, პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად ორი მოზარდი მოკლეს. ერთი მათგანი საავადმყოფოში მიყვანამდე გზაში გარდაიცვალა, ხოლო მეორე მოზარდი- ინციდენტიდან მეორე დღეს დაიღუპა. მკლელობის ბრალდებით ორი არასრულწლოვანია დაპატიმრებული, 5 პირი კი, დანაშაულის შეუტყობინებლობისთვის პასუხისგებაში მიეცა.

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა