აშშ საქართველოს დამოუკიდებლობის დღეს ულოცავს

2015-05-23 12:23:20, 358 ნახვა

პოლიტიკა

ამერიკის შეერთებული შტატები საქართველოს დამოუკიდებლობას ულოცავს.
ამის შესახებ განცხადება აშშ-ს სახელმწიფო მდივანმა ჯონ ქერიმ გამოაქვეყნა.
„პრეზიდენტ ობამასა და ამერიკელი ხალხის სახელით ვულოცავ ქართველ ხალხს დამოუკიდებლობის დღეს, რომელსაც ის 26 მაისს აღნიშნავს. ძალიან ვაფასებთ ჩვენს მჭიდრო პარტნიორობას საქართველოსთან. შეერთებული შტატები მტკიცედ ერთგულია საქართველოს ტერიტორიული მთლიანობისა და სუვერენიტეტის მის საერთაშორისოდ აღიარებულ საზღვრებში. მხარს ვუჭერთ საქართველოს ევრო–ატლანტიკურ მისწრაფებებს. ერთგული ვრჩებით, რომ დავეხმაროთ საქართველოს ევროკავშირთან ასოცირების შესახებ შეთანხმების შესრულებასა და ნატო-ს წევრობის გზაზე წინ წაწევაში“,-აღნიშნულია განცხადებაში.
ამასთან, ჯონ ქერიმ მადლობა გადაუხადა საქართველოს საერთაშორისო მისიებში მინაწილეობის გამო .
ქერიმ ქართველ ხალხს მშვიდობა, ერთიანობა და წარმატება უსურვა.